Dünyada internetin sürəti 14 faiz artıb

18-12-2015 / 12:15

Dünyada internetin iş sürəti 2015-ci ilin üçüncü rübündə illik hesablamada 14 faiz artaraq 5,1 Mbit/saniyə təşkil edib.

Lakin bu o demək deyil ki, internet bərabər paylanmır. Hazırda istifadəçilərin yalnız 25 faizi genişzolaqlı internetə saniyədə 25 meqabit sürətlə daxil olmaq imkanına malikdir.

Xeberler.az bildirir ki, bu barədə internetin vəziyyəti ilə bağlı rüblük hesabatlar təqdim edən Akamai tədqiqat şirkətinin məlumatında deyilir.
 
Tədqiqatçılar dünya göstəricilərini yenidən nəzərdən keçirərək 126 ölkədə orta qoşulma sürətinin ötən illə müqayisədə artmasını aşkar edib.

 Bu göstərici Yaponiyada 0,2 faiz, Konqoda (orta qoşulma sürətinin ötən illə müqayisədə iki dəfədən çox artdığı yeganə ölkə) 147 faiz təşkil edib. On doqquz ölkədə tədqiqatçılar orta qoşulma sürətinin azalmasını (Namibiyada 0,6 faiz (1,8 Mbit/s-dək), Sudanda 64 faizədək (1,3 Mbit/s-dək) qeydə alıb.
 
Dünyada internetin 4 Mbit/saniyə sürətində yükləmə ilə nüfuz etməsi il ərzində 9,8 faiz artaraq qoşulmaların 65 faizini təşkil edib. 2015-ci ildə yükləmə sürətinin 10 Mbit/saniyə və daha yüksək olduğu qoşulmaların sayı 19 faiz artıb və istifadəçilərin 27 faizinə bərabərdir. 15 Mbit/saniyə və daha yuxarı sürətlə internetə istifadəçilərin yalnız 15 faizi daxil olur.  
 
Sürətin 25 Mbit/s və daha yuxarı təşkil etdiyi qoşulmaların sayı illik hesablamda 15 faiz artaraq 5,2 faiz qoşulmaya çatıb. Hazırda liderlər onluğuna daxil olan ölkələrin hamısında internetin sürəti ikirəqəmli hesablanır. Bununla yanaşı, yalnız Cənubi Koreyada hər beşinci internet istifadəçisi genişzolaqlı internetə çıxış imkanına malikdir.
 
Mobil trafikin həcmi dörd rüb ərzində 14 faiz, il ərzində isə 65 faiz artıb.

Xeberler.az

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.