Dünyanın ən incə və güclü kompüter çipi hazırlanıb

10-07-2015 / 13:07

Texnologiya sahəsində ixtisaslaşmış transmilli ABŞ şirkəti IBM uzun müddətdir hazırladığı  ən incə və güclü kompüter çipini istehsal edib.

Xəbərlər-in xarici mətbuata istinadən verdiyi məlumata görə, çiplər bütün mövcud nümunələri üstələyir. 

Bazarda olan çiplərə görə daha çox incə və 4 qat daha güclü olan çip hazırda dünyanın ən yaxşı  kompüter çipi  hesab olunur. IBM şirkətinin Samsung-la birgə hazırladığı çipin ölçüsü 7 nanometrdir. İntel çiplərinin ölçüsünü 14 nanometrdən kiçildərək 10 nanometr  ölçüsündə çiplər hazırlayır. Bu da onu göstərir ki, IBM-in yeni çipi 7 nanometrlə dünyanın ən kiçik kompüter çipi sayılır.

IBM nümayəndələri qeyd edib ki, adi ölçülü prosessorlara 20 milyarddan çox 7 nanometrlik tranzistor yerləşə bilər, halbuki iPhone 6 smartfonunun prosessoru 2 milyard tranzistorla təchiz edilib, ən güclü 18 nüvəli Intel Xeon server prosessoru isə 5,5 milyard tranzistora malikdir.

Silisium ərintisinin tətbiqi də tranzistorların daha yüksək sürətlə dəyişməsinə və çipin müasir nümunələrlə müqayisədə enerji sərfiyyatını xeyli azaltmağa imkan verib. 

Çiplərin elektron qurğulara yerləşdirilməsi ilə bağlı hələ ki heç bir açıqlama verilməyib.

Ağasəf Haqverdiyev

 

 

 

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə