İsveçin Ericsson şirkəti şəhərdə sürücüsüz hərəkət edən dünyanın ilk elektrik avtobuslarını nümayiş etdirib.
Xeberler.az RYTN-in elektron xəbər xidmətinə istinadən məlumat cerir ki, yeni avtobuslar sınaqları aparılan beşinci nəsil mobil rabitə şəbəkəsinə (5G) qoşulub ki, bu da nəqliyyat vasitəsinin şəhər şəraitində təhlükəsiz hərəkətini təmin edir.
Avtobusların hamısında real vaxt rejimində birbaşa videoyayımın həyata keçirilməsi üçün kameralar və avtobusun olduğu yer haqqında məlumatlar ötürən modul quraşdırılıb.
Elektrik avtobusların idarəetməsi üçün Ericsson Transport Operation Center və Connected Traffic Cloud həllərindən istifadə olunur.
Bildirilir ki, sürücüsüz nəqliyyatın düzgün fəaliyyəti üçün 5G şəbəkəsinə ehtiyac duyulur.
Ericsson və Telia mobil rabitə operatoru ilk sınaq beşinci nəsil rabitə şəbəkəsini 2018-ci ildə Stokholm və Tallin şəhərlərində istifadəyə verməyi planlaşdırır. 5G kommersiya şəbəkələrinin 2020-ci ilədək təşəkkül tapması gözlənilir.
Sürücüsüz avtobusların nümayişi İsveç hökuməti tərəfindən 2015-ci ildə bəyan edilən Drive Sweden nəqliyyat sahəsi üzrə innovativ strateji proqramın tərkib hissəsidir.
Proqram çərçivəsində təkcə sürücüsüz ekoloji təhlükəsiz nəqliyyat hazırlamaq deyil, həm də yolların yüklənməsi probleminin həllindən tutmuş, qanunvericiliyə dəyişikliklərədək yol infrastrukturunu tam dəyişmək planlaşdırılır.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri