“eBay” internet auksionunun mənfəəti artdı

22-07-2010 / 19:45

“eBay” şirkəti bu ilin II rübündə fəaliyyətinin maliyyə göstəricilərini açıqlayıb.

 Ən böyük internet-auksionlardan biri üç ay ərzində 2,2 mlrd. dollar gəlir əldə edib. Ötən ilin müvafiq dövrü ilə müqayisədə gəlir 2,1 mlrd. dollardan 6% artıb. Hətta “Skype” İP-telefoniya servisi nəzərə alınmadığı halda rüblük gəlir 15% artıb.

Şirkətin xalis mənfəəti ötən illə müqayisədə 25% artaraq 412 mln. dollar təşkil edib. Maliyyə göstəricilərinin yaxşılaşmasına şirkət əsasən “PayPal” servisi üzərində qurulmuş ödəniş biznesi sayəsində nail olub. “PayPal”dan istifadə edənlərin sayı 3 mln. nəfərədək artıb, gəliri isə 22% artaraq 817 mln. dollara çatıb. İyunun sonuna olan məlumata görə, “PayPal” bazasında 87,2 mln. akkaunt olub.

Bu rübdə “eBay” hər səhmə 35-37 sent mənfəət göstərərək 2,13 - 2,18 mlrd. dollar gəlir almaq niyyətindədir. Bu ilin nəticələrinə görə, gəlirin 8,8-9 mlrd. dollara, mənfəətin isə səhmə qarşı 1,60-1,65 dollara çatacağı gözlənilir.

Maliyyə göstəricilərini açıqladıqdan sonra şirkətin qiymətli kağızları 68 sent və ya 3,4% bahalaşaraq 20,85 dollaradək bahalaşıb.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə