Əcnəbilərə 700 mindən çox ASAN Viza verilib

16-08-2018 / 12:13

ASAN Viza-nın hava limanlarında fəaliyyət göstərən bir neçə əməkdaşına xidməti vəzifələrinin yerinə yetirilməsində fərqləndiklərinə görə sertifikat və hədiyyələr təqdim edilib.

Xeberler.az məlumat verir ki, tədbirdə Elektron Hökumətin İnkişafı Mərkəzi Publik Hüquqi Şəxsin direktoru Fariz Cəfərov çıxış edərək fərqlənən əməkdaşların digərləri üçün nümunə olduqlarını qeyd edib, hər kəsə işlərində uğurlar arzulayıb.

Bildirilib ki, Bakı, Gəncə, Qəbələ və Lənkəran beynəlxalq hava limanlarında ASAN Viza sistemi vasitəsilə əcnəbi və vətəndaşlığı olmayan şəxslər üçün elektron vizaların rəsmiləşdirilməsi təmin edilir. Hazırda hava limanlarında 83 əməkdaş fəaliyyət göstərir. Əməkdaşlar Azərbaycana səfər edən əcnəbi və vətəndaşlığı olmayan şəxslərə Azərbaycan, ingilis, fransız, ispan, alman, türk, hind, ərəb, fars, ibri, urdu, norveç və rus dillərində xidmət göstərirlər.

Belə ki, ASAN Viza özünəxidmət terminalları vasitəsilə Heydər Əliyev adına Beynəlxalq Hava limanında əcnəbilərə vizaların verilməsinə bu ilin mayın 15-dən başlanılıb. Bu günə kimi 566 759-u ASAN Viza portalı vasitəsi ilə, 135 523-ü hava limanlarında olmaqla, ümumilikdə 702 282 viza verilib. Müraciətlərin çoxluğuna görə isə ilk beşlikdə olan İran İslam Respublikası, Səudiyyə Ərəbistanı, Pakistan, Hindistan və Türkiyədir.

Qeyd edək ki, ASAN Viza vasitəsilə hava limanlarında 15 ölkənin - Bəhreyn, Birləşmiş Ərəb Əmirlikləri, Cənubi Koreya, Çin, İran, İsrail, İndoneziya, Küveyt, Qətər, Malaziya, Oman, Səudiyyə Ərəbistanı, Sinqapur, Türkiyə, Yaponiya vətəndaşlarına, eyni zamanda Birləşmiş Ərəb Əmirliklərində etibarlı rezident vizalarına sahib olanlar üçün birbaşa vizaların verilməsi təmin edilir.

ASAN Viza portalı və özünəxidmət terminalları Azərbaycan, ingilis, fransız, ispan, alman, italyan, ərəb, fars və rus olmaqla - 9 dildə fəaliyyət göstərir. Özünəxidmət terminalları ilə yanaşı 4 pəncərədə viza verilməsi və bank xidmətləri də həyata keçirilir. Orta hesabla bir əcnəbi vətəndaş üçün vizanın verilməsi 2 dəqiqə ərzində təmin edilir.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.