"SOCAR və İqtisadi İslahatların Təhlili və Kommunikasiyası Mərkəzi arasında Memorandum imzalanıb. Mövzusu da əvvəllər açıq tenderlərdə elan olunan, SOCAR üçün zəruri olan mal-material və xidmətlərlə bağlı elanların yerləşdirilməsi üçün rəqəmsal portal yaratmaqdır. Portal İİKM tərəfindən idarə ediləcək. Mahiyyətcə, faydalı bir addımdır. Amma, düzü anlamıram ki, İİKM hara bu tip işlər hara. İİKM qarşısına, bildiyim qədər tamamilə fərqli vəzifələr qoyulub"
Xeberler.az məlumat verir ki, bu sözləri Azərbaycan İnternet Forumunun prezidenti, İKT sahəsi üzrə ekspert Osman Gündüz bildirib. Ekspert bir ay öncə Prezidentin Fərmanı əsasında dövlət satınalmaları və tenderlərlə bağlı portalın hazırlandığını qeyd edərək bu tip addımların anlaşılmaz olduğunu vurğulayıb:
"Portalı Vətəndaşlara Xidmət və Sosial İnnovasiyalar üzrə Dövlət Agentliyi - eGov Mərkəzi hazırlayıb. Adı çəkilən Memorandumun da mahiyyəti elə satınalmalar, açıq tipli tenderlərdi. Bu sahədə səlahiyyətli qurum da İN yanında müvafiq Dövlət Xidmətidir. Digər tərəfdən də kiçik və orta sahibkarlığa dəstəklə bağlı yeni dövlət agentliyi də formalaşdırılıb. Oxşar dövlət resursunun və səlahiyyətli dövlət qurumlarının olduğu bir halda kənarda yenidən nəsə portal yaratmağa, vəsaitlər xərcləməyə, yeni idarəetmə yaratmağa nə lüzum var görəsən? Xüsusən də, dövlət başçısı tərəfindən dövlət idarəetməsində optimallaşdırma, paralelçiliyin aradan qaldırılması və təkmilləşdirmə işlərinin aparıldığı bir vaxtda bu tip addımlar anlaşılmaz görünür"
Osman Gündüz sonda "Düşünürəm ki, İİKM –in indiki zamanda həyata keçirəcəyi ən faydalı iş Strateji Yol Xəritələrinin icrası ilə bağlı ötən ilin Hesabatlarını açıqlamaq ola bilərdi. Artıq 3 ay keçib amma Hesabatlar hələ açıqlanmayıb. Xatırladıram ki, İİKM ötən ilin yarımillik hesabatlarının da ictimai müzakirəsini təşkil etməyib"- deyə bildirib.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri