Elektron arayışla Kapital Bank-a necə müraciət etmək olar?

09-02-2016 / 10:35

Artıq Kapital Bank-ın müştəriləri də "Elektron hökumət" portalı vasitəsilə təqdim olunan "Elektron arayış"lardan istifadə edərək bank xidmətlərinə müraciət edə biləcək.

Xeberler.az-ın məlumatına görə, elektron arayış müxtəlif dövlət orqanlarının elektron informasiya ehtiyatları əsasında hazırlanmış elektron sənəddir. "Elektron arayış"lar bank xidmətlərindən istifadə zamanı vaxt itkisinin qarşısını almaqla vətəndaşın rahatlığını təmin edir. Xidmətin digər üstünlüyü vətəndaşın işlədiyi müəssisədən arayış alma zərurətinin aradan qaldırılmasıdır.

Vətəndaşlar elektron arayışlar vasitəsilə Kapital Bank-a necə müraciət edə bilər?

"Elektron hökumət" portalının istifadəçisi olmayan vətəndaş şəxsiyyət vəsiqəsini təqdim edir;

-   bankın əməkdaşı vətəndaşı portala giriş üçün istifadəçi adı və şifr ilə təmin edir;

-  vətəndaş müvafiq arayışları elektron cihaz vasitəsilə çap edir.

"Elektron hökumət" portalının istifadəçisi isə istənilən yerdən portala daxil olaraq bankın tələb etdiyi arayışları çap edir və ya elektron şəkildə banka ünvanlayır. Sonra elektron arayışın həqiqiliyi portal vasitəsilə təqdim olunan "Elektron arayışların yoxlanılması" xidməti vasitəsilə yoxlanılır.

Qeyd edək ki, xidmət hazırda bankın 1 saylı Səbail, 1 saylı Xətai, 2 saylı Nizami, 2 saylı Nəsimi filiallarında mövcuddur. Yaxın gələcəkdə bankın digər filiallarında da tətbiq olunacaq.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə