Elektron bilet satışı ləğv olunmayıb - Rəsmi açıqlama

08-02-2016 / 11:41

Məlumat verildiyi kimi, Nazirlər Kabinetinin 2015-ci il 4 dekabr tarixli 374 nömrəli qərarı ilə təsdiq edilmiş “Elektron xidmət növlərinin Siyahısı”nda dəyişiklik edilib.

Xeberler.az-ın məlumatına görə, dəyişikliyə uyğun olaraq, Azərbaycan Nəqliyyat Nazirliyi tərəfindən dəmir yolu nəqliyyatında sərnişin daşımaları üçün elektron bilet satışının aparılması ləğv edilib.

Dünəndən mediada yayılan məlumatlarda qeyd  edilib ki, artıq bundan sonra sərnişin qatarlarına  elektron bilet almaq mümkün olmayacaq.

Xeberler.az məsələni dəqiqləşdirib.

Azərbaycan Dəmir Yolları Qapalı Səhmdar Cəmiyyətinin Mətbuat Katibliyinin rəisi Nadir Əzməmmədov Xeberler.az-a bildirib ki, onlayn bilet satışı ləğv edilməyib. Sadəcə Nazirlər Kabinetinin qərarı ilə bu səlahiyyətlər Dəmir Yolları QSC-yə tapşırılıb:

“Əvvəllər biz Nəqliyyat Nazirliyinə tabe idik. Hazırda müstəqil qurumuq və birbaşa Nazirlər Kabinetinə tabeyik.  Bu tip səlahiyyətlər də  Nəqliyyat Nazirliyi tərəfindən həyata keçirilirdi. Yeni qərara görə, artıq bu səlahiyyətlər Dəmir Yolları QSC tərəfindən həyata keçiriləcək. Hazırda onlayn bilet satışı sistemi işləyir”.

Qeyd edək ki, ötən günlərdə ölkə daxilində və ölkədən kənara hərəkət edən sərnişin qatarlarına gediş biletlərinin internet şəbəkəsi vasitəsilə yeni onlayn satış sistemi istifadəyə verilib. Belə ki, bu sistemlə sərnişin kassasına yaxınlaşmadan, www.ady.az saytının «Online bilet» bölməsinə daxil olmaqla,  onlayn  rejimi ilə istənilən qatara gediş sənədi (bilet) almaq üçün sifariş edib, plastik kart vasitəsilə gediş dəyərini ödəyəcək.

 

Məltəm Talıbzadə 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə