“Elektron hökumət” portalına “Expressbank” da qoşuldu

19-03-2015 / 16:33

Bu gündən etibarən “Expressbank” kredit əməliyyatları prosesinə elektron arayışları daxil edərək vətəndaşlara daha rahat xidmət təqdim edəcək.

Elektron arayışlar vasitəsilə vətəndaşlar vaxt itkisinə yol vermədən, banka getmədən onlayn rejimdə portala daxil olaraq kredit ala və digər xidmətlərdən əlavə səy tələb olunmadan faydalana bilərlər. Hazırda, "Expessbank"ın Sumqayıt, Mərkəz, Müştəri Xidməti Departamenti, Yasamal, Neftçilər filialları "Elektron hökumət" portalı üzərində e-arayışlardan istifayə start verib, e-arayışlar tezliklə "Expressbank"ın digər filiallarında da tətbiq olunacaq.

"Elektron hökumət" portalı vasitəsilə elektron arayışı vətəndaşlar sutkanın 24 saatı, günün istənilən vaxtı əldə edə bilir. Bundan əlavə, kağız üzərində olan arayışlardan fərqli olaraq vətəndaş portal vasitəsilə vaxt itkisinə və əlavə narahatlıq yaşamadan istədiyi növ arayışı formalaşdırır. Bir sözlə, e-arayışlar sayəsində vətəndaşın harasa getmək, növbə gözləmək kimi zəruriyyəti aradan qalxıb.

"Elektron hökumət" portalı gündəlik həyatda ən çox istifadə olunan arayışların elektron şəkildə vətəndaşlara təqdim olunması üzərində işləyir.

 

Mirvari Nəcəf

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.