Xəbər verdiyimiz kimi, bu gün Prezident İlham Əliyev Sahibkarlıq fəaliyyətinin xüsusi razılıq (lisenziya) tələb olunan növlərinin sayının azaldılması, xüsusi razılıq (lisenziya) verilməsi prosedurlarının sadələşdirilməsi və şəffaflığının təmin edilməsi haqqında fərman imzalayıb.
Xeberler.az-ın məlumatına görə, fərmanda eyni zamanda “Elektron lisenziya” portalının yaradılması istiqamətində işlərin sürətləndirilməsi ilə bağlı məsələ də öz əksini tapıb.
Fərmanda bildirilir ki, İqtisadiyyat və Sənaye Nazirliyi Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi ilə birlikdə sahibkarlıq fəaliyyətinin həyata keçirilməsi üçün tələb olunan xüsusi razılıq (lisenziya), sertifikat, şəhadətnamə və digər sənədlərin elektron qaydada verilməsini təmin edən “Elektron lisenziya” portalının yaradılması istiqamətində işləri sürətləndirsin.
Məsələ ilə bağlı Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (ASAN) İnformasiya Təminatı şöbəsinin müdiri Anar Hüseynov Xeberler.az-a açıqlamasında bildirib ki, “Elektron lisenziya” portalının yaradılması üçün aidiyyatı qurumlarla əlaqələr yaradılır və bu istiqamətdə işlər davam etdirilir.
Anar Hüseynov Xeberler.az-a bildirib ki, ən qısa zamanda “Elektron lisenziya” portalının istifadəyə verilməsi nəzərdə tutulub.
Mirvari Nəcəf
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri