Elektron Səhiyyə Mərkəzinə 31 minə yaxın müraciət edilib

27-12-2015 / 08:56

İl ərzində Elektron Səhiyyə Mərkəzinə 31 minə yaxın insan müraciət edib.

Bu barədə Xeberler.az-a Səhiyyə Nazirliyindən məlumat verilib.

Qeyd edilib ki, vətəndaşların səhiyyə ilə bağlı müraciətlərinin təcili həlli məqsədilə keçən ilin sonunda Elektron Səhiyyə Mərkəzi istifadəyə verilib. Vaxtilə vətəndaşlar ərizə ilə, məktubla Nazirliyə müraciət edib, xeyli gözləməli olurdularsa, indi isə bir növ Səhiyyə Nazirliyinin Asan Xidmət funksiyasını yerinə yetirən bu Mərkəz onların problemlərini rahat və qısa müddətdə həll etməyə imkan verir.

Eyni zamanda Səhiyyə Nazirliyinin Qaynar xətt əlaqə mərkəzinə daxil olmuş 528 məlumat araşdırılıb.

Məlumatda qeyd edilir ki, Vahid Səhiyyə İnformasiya Sistemi-nin formalaşdırılması, o cümlədən səhiyyə sahəsində elektron xidmətlərinin genişləndirilməsi istiqamətində də işlər aparılır.

Nazirliyin rəsmi internet səhifəsində yaradılmış “Elektron xidmətlər” bölməsində 38 elektron xidmət artıq fəaliyyət göstərir.

2015-ci il ərzində “Elektron Səhiyyə” internet portalı vasitəsi ilə təqdim olunan elektron xidmətlərdən 49 mindən çox istifadə qeydə alınıb.

Bundan əlavə , ili ərzində tibbi sosial ekspertiza müayinəsinə göndərişlərin (Forma 88) vahid mərkəzləşdirilmiş reyestri yaradılıb.

 Talassemiya ilə mübarizə sahəsində qəbul olunmuş Dövlət Proqramı çərçivəsində nikah üçün tibbi arayışların məlumat bazası yaradılıb və respublika üzrə 69 tibb müəssisəsi və 4 ASAN xidmət mərkəzində tətbiq olunub.

Kadrların Avtomatlaşdırılmış Uçot Sistemi təkmilləşdirilib. Tibb işçilərinin mərkəzləşdirilmiş işə qəbulu və sertifikasiya üzrə informasiya sistemləri yeni qaydalara uyğun olaraq hazırlanıb.

 

Məltəm Talıbzadə 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə