Elektron sınaq imtahanları davam edir

30-03-2017 / 15:12

Məlum olduğu kimi, Dövlət İmtahan Mərkəzi (DİM ) aprel-may aylarında keçiriləcək birinci qəbul imtahanlarında iştirak edən abiuriyentləri nəzərə alaraq I-IV ixtisas qrupları üzrə elektron sınaq imtahanları keçirir.

Belə ki, DİM-in martın 31-dək olan sınaqlarında iştirak ödənişizdir.

Ödənişsiz elektron sınaq imtahanlarının keçirilməsi gündə 3 dəfə olmaqla martın 31-dək davam edəcək.

Sosial şəbəkələrdə olan müzakirələrə görə, martın 25 və 26-da olan elektron sınaqda bəzi abituriyentlər iştirak edə bilməyib.

Qeyd edilir ki, sistemdə problem olduğundan imtahan vermək mümkün olmayıb.

Xeberler.az olaraq məsələni dəqiqləşdirməyə çalışdıq.

DİM-in mətbuat xidmətindən saytımıza verilən məlumata görə, martın 25-də, səhər 9:00-da olan imtahanda bəzi texniki problemler yaranıb:

“Öncə elektron sınaq imtahanlarını martın 25-26-da nəzərdə tutmuşduq. Daha sonra müraciətlərin çoxluğunu nəzərə alaraq bu müddəti martın 31-dək artırdıq. Bəli, martın 25-də, saat 9:00-da olan imtahan zamanı sistemdə yüklənmə olduğu üçün müəyyən qrup abituriyent həmin vaxt imtahan verə bilməyib. Daha sonra problem həll edildi və abituriyentlər üçün başqa vaxt təyin edildi. Beləliklə, onlar da elektron sınaq imtahanında iştirak etdi. Yəni, imtahan təxirə salınmayıb”.

Abituriyentlər isə Xeberler.az-a bildirib ki, martın 26-da axşam saatlarına qədər gözləsələr də, sistemdə imtahan verə bilməyiblər.

 Öyrənirik ki, aprelin 1-dən 9-dək gündə 4 dəfə olmaqla ödənişli elektron sınaq imtahanları keçiriləcək.

Martın 27-dən etibarən ödənişli elektron sınaq imtahanlarında iştirak üçün abituriyentlərin qeydiyyatı başlayıb. Bu imtahanlarda yeni test tapşırığı nümunələrindən istifadə olunacaq və iştirak haqqı 10 manatdır.

DİM-in mətbuat xidmətindən ödəniş məsələsinə də aydınlıq gətirilib.

Qeyd edilib ki, martın 31-dək olan sınaq imtahanında yalnız model testlərdən istifadə edilib. Ona görə də sınaqlar ödənişsiz olub.

Aprelin 1-dən başalayacaq elektron sınaq imtahanlarında isə yeni test tapşırıqlarından istifadə ediləcək.

Qeyd edək ki, iştirakçılar özlərinə uyğun tarix və saatı seçməklə bir sınaq imtahanına yazıla bilər. Elektron sınaq imtahanında iştirak üçün abituriyentlər Dövlət İmtahan Mərkəzinin imtahan.az saytına daxil olub qeydiyyatdan keçməlidirlər.

Abituriyentlər qeydiyyat zamanı seçdikləri tarix və saatda imtahan.az saytına daxil olub imtahan verməlidirlər. İmtahan müddəti 3 saatdır. Ödəniş etmək qaydaları ilə saytda tanış ola bilərsiniz.

Abituriyentlər elektron sınaq imtahanı xidmətindən smart tipli mobil telefon və ya planşet vasitəsilə də istifadə edə bilərlər.

Məltəm Talıbzadə


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə