Ən çox istifadə olunan e-xidmətlərin siyahısı açıqlanıb

09-06-2015 / 15:16

Rabitə və Yüksək Texnologiyalar Nazirliyinin (RYTN) Məlumat Hesablama Mərkəzi(MHM) “Elektron hökumət” portalı vasitəsilə ən çox istifadə olunan e-xidmətlərin siyahısını açıqlayıb.

Xeberler.az-ın məlumatına görə, siyahıda birinci yerdə Tələbə Qəbulu üzrə Dövlət Komissiyasının “Namizədlərin (abituriyentlərin, bakalavrların, namizədlərin (rezidenturaya sənəd verənlər) ərizələrinin onlayn qəbulu” xidmətidir. Belə ki, həmin xidmətdən 261 min 307 nəfər istifadə edib.

Digər yerdə isə TQDK-nın namizədlərə, sınaq imtahanı iştirakçılarına imtahan nəticələri haqqında məlumatların İnternet və ya qısa mesaj (SMS) vasitəsilə verilməsi xidməti yer alıb. Bu xidmətdən istifadə edənlərin sayı  227 min 503 nəfərdir.

Siyahıda üçüncü yerdə isə həmin qurumun namizədlərə imtahan buraxlış vərəqələrini İnternet vasitəsilə verilməsi xidməti vətəndaşların ən çox istifadə etdiyi xidmət kimi qeydə alınıb. 187 min 112 nəfər həmin xidmətdən elektron qaydada yararlanıb.

Siyahıda adı çəkilən digər xidmət isə Əmək və Əhalinin Sosial Müdafiəsi Nazirliyinin “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” xidmətidir. Xidmətdən 133 min 324 nəfər istifadə edib.

Rabitə və Yüksək Texnologiyalar Nazirliyi (RYTN)-nın mobil nömrə daşınması xidməti vasitəsilə digər şəbəkəyə daşınmış nömrələr barədə məlumatın verilməsi xidmətindən isə 90 min 352 nəfər yararlanıb.

Sevinc Çəltikova 

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə