Ermənilər Azərbaycan dilində telekanal açacaq

26-06-2009 / 13:06

Payızda Xankəndidə Azərbaycan dilində telekanal açıla bilər. Dağlıq Qarabağdakı separatçı rejimin rəhbəri Bako Saakyanın şəxsi göstərişi ilə "düşmən təbliğatın qarşısını almaq məqsədilə" belə telekanalın yaradılması ilə bağlı işlərə başlanıb.

İşçi qrupa "Artsax" telekanalının şöbə müdiri Artyom Qazaryan rəhbərlik edir. O, "Groong"a verdiyi açıqlamasında bildirib ki, Azərbaycan telekanallarının qarabağlı ermənilərə təbliğati və ideoloji təsiri Bakının istədiyi effekti vermir.

"Qarabağlı ermənilər bu telekanallara baxırlar, çünki Azərbaycan Dağlıq Qarabağ ətrafında güclü retranslyator qüllələri quraşdıraraq, əsas telekanallarını ərazilərimizə yayır. Amma bu telekanallarda deyilənlər eynimizə deyil, çünki bizim barəmizdə yalnız düşməncəsinə yalanlar danışırlar. Belə təbliğata cavab olaraq Azərbaycan dilində veriliş və proqramlarla efirə çıxa biləcək kanalın yaradılması çox mühüm məsələdi", - A.Qazaryan deyib.

Dağlıq Qarabağdakı separatçı rejimin maliyyə durumunu nəzərə alsaq, bəhs olunan telekanal məsələsi xülya təsiri bağışlayır. Çünki elə ermənilərin özlərinin hesablamalarına görə, sutkada 12 saat efirdə olacaq telekanalın işə salınması üçün minimum $300 min gərəkdir.

Müşahidəçilərini fikrincə, qarabağlı separatçıların görə biləcəkləri işin maksimum səviyyəsi yerli telestansiyada Azərbaycan dilində qısamüddətli proqramların yayılmasıdır.//Ekspress


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.