Əşyaları tanıyan cihaz yaradılıb

12-05-2016 / 11:49

Mühəndislər tərəfindən hazırlanmış ağıllı qurğu istənilən obyekti tanıya bilir.

Xeberler.az RYTN-in elektron xəbər xidmətinə istinadən məlumat  verir ki, Miraffe adlı qurğu qarşısındakı istənilən obyektin adını əks etdirmək üçün kamera və xüsusi texnologiyadan istifadə edir.

Miraffe texnologiyası ilk öncə uşaqların dünya haqqında məlumatlandırılmasına kömək məqsədilə yaradılıb. Qurğunun arxa panelindəki kamera Wi-Fi qoşulma vasitəsilə təsvirləri göndərir, bundan sonra onlayn məlumat bazasında uyğunluq axtarılır. Uyğunluq qeydə alınan kimi cihaz obyektin adını əks etdirir, qurğunun arxa panelindəki dinamik isə əşyanın adını səsləndirir.

Belə texnologiyalar zəif görmə qabiliyyətinə malik insanlar üçün daşınabilən qurğu kimi tətbiq edilə bilər. Miraffe qurğusu zəif görənlərin məkanda hərəkət etməsinə uyğunlaşdırıla bilər. Bu halda zəif görmə qabiliyyətinə malik insanlar ətrafdakı obyektlərin təsvirini dinləyə biləcəklər.

 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə