Facebook-un mobil auditoriyası 250 milyona çatıb

09-04-2011 / 00:10

Facebook sosial şəbəkəsinin mobil istifadəçilərinin sayı bir ayda 250 milyon nəfərə çatıb. Bu haqda TechCrunch texnobloqunda bildirilib. 

Bir il ərzində Facebook-un mobil auditoriyası təxminən iki dəfə artıb. Belə ki, 2010-cu ilin fevral ayına olan məlumatlara görə, mobil telefon vasitəsilə sosial şəbəkədə 100 milyona yaxın istifadəçi ünsiyyətdə olub. 

Bundan əlavə, Facebook-un m.facebook.com (adi versiya) və touch.facebook.com (smartfonlar üçün versiya) mobil versiyalarının birləşdiriləcəyi də qeyd olunub. www.lenta.ru saytının məlumatına görə, əgər əvvəllər sistem avtomatik olaraq smartfon sahiblərini touch-versiyası ünvanına göndərirdisə, hazırda vahid versiya çərçivəsində istifadəçinin texniki təchizatından asılı olaraq saytın əks etdiyi kontentin formatı dəyişəcək. 

Qeyd edək ki, dünyada məşhur sosial şəbəkə olan Facebook-un 600 milyona yaxın istifadəçisi vardır. 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə