Fond layihələrin qiymətləndirilməsini yekunlaşdırır

29-12-2015 / 19:11

Bu gün Rabitə və Yüksək Texnologiyalar Nazirliyi tabeliyində İnformasiya Texnologiyalarının İnkişafı Dövlət Fondunun Müşahidə Şurasının növbəti – cari il üçün sonuncu iclası keçirilib.

Dövlət Fondundan Xeberler.az-a verilən məlumata görə, iclasda İKT sahəsindəki layihələrə qrantların verilməsi ilə bağlı bir sıra məsələlər, həmçinin Fondun bir il müddətində həyata keçirdiyi işlər müzakirə olunub və bununla bağlı ətraflı məlumat verilib.

Tədbirdə “İnformasiya Texnologiyalarının İnkişafı Dövlət Fondunun qrant müsabiqəsinin təşkili və keçirilməsi Qaydaları”na  dəyişikliklə bağlı təkliflərin verilməsi, 3-cü qrant müsabiqəsinin gedişatı ilə bağlı və Fondun digər cari məsələləri müzakirə olunub.

Qeyd edilib ki, Fondun 3-cü qrant müsabiqəsinə 138 layihə təqdim olunub.

Onlardan 103 layihə ilkin ekspertizadan keçib.

Tədbirdə məlumat verilib ki, 103 layihə kompleks ekspertizaya göndərilib .

Kompleks ekspertizada baxılan layihələrin prioritet istiqamətlər üzrə bölgüsü aşağıdakı kimidir:

-Mütərəqqi proqram təminatının hazırlanması-12

-İnnovativ İKT məhsulları nümunələrinin hazırlanması -30 layihə

-İnnovativ infrastrukturun inkişafı, o cümlədən yeni texnologiyaların inkişafı və

onların kommersiyalaşdırılması -25 layihə

-Müasir texnologiyalar əsasında informasiya şəbəkələrinin hazırlanması -9

-İKT xidmətlərinin genişlənidirilməsi, o cümlədən internet xidmətlərinin inkişafı-27 layihə

İlin sonuna qədər bu mərhələnin də yekunlaşacağı və layihələrin Müşahidə Şurasının üzvlərinə təqdim ediləcəyi qeyd olunub. 

Məltəm Talıbzadə


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə