Fransadan İT sahəsində çalışanlar üçün xüsusi viza proqramı

18-01-2017 / 13:18

Fransa texnologiya sahəsində çalışan bacarıqlı insanlar üçün yeni bir viza proqramı hazırlayıb.

Xeberler.az xarici mediaya istinadən məlumat verir ki, French Tech Visa adındakı yeni viza proqramı texnologiya sahəsindəki startaplar, sahibkarlar və sərmayəçiləri əhatə edir.

Dörd illik olan bu viza immiqrantların ailələrinə də verilir.

Avropa Birliyinə (AB) üzvü olmayan ölkələrdə texnologiya sahəsindəki  istedadlı şəxsləri hədəfləyən bu vizanı almaq üçün birbaşa müraciət etmək mümkündür. Bununla yanaşı, viza Fransadakı fərqli  akselerasiyalara və startap yarışmalarına qatılmaq üçün də kifayət edir.

Viza ilə bağlı detalları CES 2017-də TechCrunch vasitəsi ilə yayımlayan Fransanın Rəqəmsal məsələləri üzrə naziri Axelle Lemaire bu proqramlarla birgə işləyəcəklərini və proqramlarda iştirak etmək hüququ qazanan şəxslərə viza verəcəklərini  deyib.

Qeyd edək ki, bu vizanı əldə etməyin digər  asan yolu isə Fransa startapları ilə işləməkdir. Bildirilir ki, Fransanın öndə gələn 100-dən çox startap  siyahısı hazır olduğu zaman bu şirkətlər tərəfindən işə götürüləcək proqramçı, dizayner və digər işçilərin texnologiya vizasından yararlanması təmin ediləcək.

Məlumata görə, vizanı aldıqdan sonra şirkətdən ayrıldığınız təqdirdə də viza haqqı əlinizdən alınmayacaq. Yəni,viza bitənə qədər Fransada yaşamaq və işləmək mümkün olacaq. Həmçinin, Fransanın bir VC şirkətində və yaxud da beynəlxalq bir firma olub Fransada ofis açan VC şirkətlərində çalışan investorlar da bu viza proqramına daxil ediləcək.

Siyahıda yer almayan digər texnologiya şirkətlərində çalışacaq immiqrantlar üçün isə yeni təqdim edilən Le Passeport Talent, yəni qabiliyyət pasportu proqramı təklif edilir. Bu proqram texnologiya, incəsənət və digər (mütəxəssis çatışmazılığının olduğu) sahələrdə işçi gücünün Fransaya cəlb edilməsini təmin edir.

 

Məltəm Talıbzadə

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə