Gələn ilin dövlət büdcəsi hazırlanır

01-02-2018 / 11:07

Nazirlər Kabinetində "Büdcə sistemi haqqında" Azərbaycan Respublikası Qanununun tətbiq edilməsi barədə" Sərəncam imzalanıb.

Xeberler.az bildirir ki, sənədə görə Azərkosmos Açıq Səhmdar Cəmiyyəti, Azərbaycan Respublikası Nəqliyyat, Rabitə və Yüksək Texnologiyalar Nazirliyinin tabeliyində olan qurumlar (Aztelekom Məhdud Məsuliyyətli Cəmiyyəti, Azərpoçt Məhdud Məsuliyyətli Cəmiyyəti və Bakı Telefon Rabitəsi MMC) növbəti ilin gəlirlər və xərclər smetalarının ilkin layihələrini 2018-ci il avqustun 1-dək Azərbaycan Respublikası Nazirlər Kabinetinin 30 dekabr 2016-cı il tarixli 534 nömrəli qərarı ilə yaradılmış Komissiyanın Katibliyinə təqdim etməlidir.

Həmçinin bu qurumlar 2018-ci il 01 iyul tarixinə mövcud daxili və xarici borcları, habelə 2019-cu ildə nəzərdə tutulan borcalmanın ümumi məbləğləri (aparılacaq borcalmanın valyuta və layihələr üzrə bölgüsü göstərilməklə) barədə məlumatları cari ilin iyulun 15-dək Azərbaycan Respublikasının Maliyyə Nazirliyinə və Azərbaycan Respublikasının İqtisadiyyat Nazirliyinə təqdim etməlidir.

 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə