Azərbaycanın cənubunda "Sosial şəbəkələrdən səmərəli istifadə və internet sahibkarlığına dəstək" layihəsinin icrasına başlanıb. Layihə ölkənin cənub bölgəsində 5 rayonu əhatə edir.
Proqram çərçivəsində Lənkəran, Astara, Masallı, Cəlilabad və Biləsuvar rayonlarında sosial şəbəkələrin cəmiyyətdə rolu, internet üzərindən təhsil - distant təhsil, gənclərin İKT-dən səmərəli istifadəsi, internetdən pul qazanmağın yolları və s. kimi mövzular region gənclərinə öyrədiləcək.
Bu barədə Azərbaycan Respublikasının Prezidenti yanında qeyri-hökumət təşkilatlarına Dövlət Dəstəyi Şurasının İnformasiya Portalı məlumat yayıb. Bildirilib ki, ilk təlim Astara rayon Pedaqoji Kollecində keçirilib. Təlimdə 20-dən çox tələbə iştirak edib. Seminarda iştirak edən gənclərə İKT, sosial şəbəkələrin faydası, onlardan səmərəli istifadənin, eləcə də internetdən pul qazanmağın yolları və s. haqqında məlumat verilib.
Ardıcıl olaraq təlim-seminarlar digər rayonlarda da təşkil olunacaq. Qeyd edək ki, adıçəkilən layihə Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirilir. (ictnews.az)
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri