HP NASA-nın 10 il müddətinə əsas İT-podratçısı olub

09-03-2011 / 13:44
Xeberler.az portalının Rabitə və İnformasiya Nazirliyinin rəsmi internet saytına istinadən verdiyi xəbərə görə, Hewlett Packard şirkəti Aeronavtika və Kosmik Fəzanın Tədqiqatları üzrə ABŞ Milli İdarəsinə (National Aeronautics and Space Administration - NASA) hesablama texnikası, proqram təminatı və İT-xidmətlərin təchizatına dair 2,5 milyard ABŞ dolları məbləğində dövlət tenderinin qalibi olub. Dünyanın ən iri personal kompüter, server və printer istehsalçısı olan HP İT-xidmətlər sahəsində IBM korporasiyasından geridədir. NASA ilə əldə olunmuş razılaşma şirkətə bu seqmentdəki mövqelərini möhkəmləndirməyə kömək edəcək. 10 il müddətinə imzalanmış saziş çərçivəsində HP NASA-ya personal kompüter, standart proqram təminatı, periferiya avadanlığı və digər müvafiq məhsullar təqdim edəcək. Şəbəkə avadanlığı və serverlər təchizatı isə müqavilədə nəzərdə tutulmayıb. Qeyd edək ki, hazırda NASA Lockheed Martin şirkətinin İT-podratçı xidmətlərindən istifadə edir. NASA tərəfindən Lockheed-in xidmətlərindən imtina edilməsinin səbəbi açıqlanmır. Qeyd edək ki, 2010-cu ilin oktyabr ayında yeni İT-platformanın tətbiq edilməsinə dair növbəti gecikmədən sonra sözügedən şirkətin təqdim etdiyi xidmətlərdən ABŞ Federal Tədqiqatlar Bürosu da imtina edib. Xatırladaq ki, bu gün HP və NASA artıq arasında müəyyən əməkdaşlıq mövcuddur. 2007-ci ildə HP stolüstü kompüter, printer və server təchizatına dair NASA-nın 5,6 milyard dollar dəyərində olan tenderinin qalibi olmuşdur.

ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə