İKT TƏHSİL

“Bu günə kimi Bakı şəhərində fəaliyyət göstərən ümumtəhsil müəssisələrinin, lisey və gimnaziyaların I siniflərinə elektron sistem vasitəsilə 46 min 535 nəfər qey­diy­yatdan keçib”.

Bunu Xeberler.az-a açıqlamasında Bakı şəhəri üzrə Təhsil İdarəsinin İnformasiya təminatı sektorunun müdiri Dürdanə Əhədova bildirib.

Dürdanə Əhədovanın sözlərinə görə, ki, elektron sistemdə birinci si­nif­lərə qəbul üç formada, onlayn olaraq, birbaşa məktəblərə müraciətlər və alternativ üsul­larla aparılıb: “Bu günə kimi elektron sistem vasitəsilə 46 min 535 nəfər qey­diy­yatdan keçib: “Onlayn qeydiyyatdan keçənlərin sayı 22 min 85 nəfər, mək­təb­lərdə qeydiyyatdan keçənlərin sayı 23 min 664 nəfər, alternativ üsulla müraciət edənlərin sayı isə 786 nəfər olub”. 

Məktəbə qəbulun birinci mərhələsində, yəni mayın 1-dən iyunun 12-dək 34 min 550 uşaq I sinfə qəbul edilib, 353 nəfər  məktəbdə yer çatış­maz­lığı, təlim dilini bilməməsi, sənədləri uyğun olmaması səbəblərindən imtina edil­ib. Onlara başqa məktəb seçmək, təlim dilini dəyişmək və sənədlə­rini qaydaya sal­maq tövsiyə olunub”.

Qurum rəsmisinin Xeberler.az-a verdiyi məlumata görə, e-mail vasitəsilə 2 min 201 nəfər müraciət edib. “Ümumilikdə isə 44 min 163 nəfər uşaq qeydiyyatdan keçib. Bunlardan 23 min 773 nəfəri qız, 20 min 390 nəfər isə oğlandır”.

Dürdanə Əhədova onu da bildirib ki, elektron sistemdə qeydiyyatdan keçən­lərin 39 min 94 nəfər üçün məktəbə sorğu sayı qeydə alınıb. Eyni zamanda, 89 nəfər 8 yaşdan yuxarı uşaqlar fərdi şəkildə elektron qeydiyyatdan keçib. Qurumun elektron ünvanına 2 min 415 sorğu-mesaj daxil olub. Bu mesajlar əks əlaqə vasitəsilə cavablandırılıb.

Xəbər verdiyimiz kimi, artıq Bakı şəhərində fəaliyyət göstərən ümumi təhsil müəssisələrinin, lisey və gimnaziyaların I siniflərinə şagird qəbulu elektron sistem vasitəsilə həyata keçirilir.

Ruhəngiz Muradova