İctimai yerlərdə quraşdırılan Wi-Fi-dan nə vaxt istifadə etmək olacaq?

10-03-2017 / 13:31

 “Əhalinin pulsuz internetlə təminatını nəzərdə tutan "İctimai Wi-Fi" layihəsi çərçivəsində işlər artıq yekunlaşır”.

Xeberler.az-ın məlumatına görə, bu barədə jurnalistərə açıqlamasında Bakı Telefon Rabitəsi İstehsalat Birliyinin( BTRİB) rəsmisi Nuranə Əliyeva məlumat verib.

Onun sözlərinə görə, Dənizkənarı Milli Park və Dövlət Bayraq Meydanı əraziləri üzrə ictimai internetdən istifadəni təmin edən avadanlıqlar (Acces Point) quraşdırılıb. Layihə çərçivəsində bir sıra təhlükəsizlik tədbirləri və risklər nəzərə alınaraq proqram təminatı və şəbəkənin test mərhələsinə start verilib.

Bundan başqa, İçərişəhər Dövlət Tarix-Memarlıq Qoruğu ərazisində də işlər yekunlaşdırılıb. Layihənin növbəti mərhələsi kimi Heydər Əliyev Mərkəzinin ətraf ərazilərində də işlər həyata keçiriləcək.

Məlumata  görə, layihənin icrası zamanı dünya təcrübəsi nəzərə alınıb. Şəbəkənin səmərəli paylanmasını və təhlükəsizlik tədbirlərini nəzərə alaraq sürət həddi və saat limiti də beynəlxalq standartlara əsasən müəyyənləşdirilir.

Nazirlik rəsmisi hazırda test mərhələsində olan xidmətin yaxın vaxtda  bütün əhalinin istifadəsinə təqdim ediləcəyini vurğulayıb.

Qeyd edilib ki,  layihənin həyata keçirilməsində əsas məqsəd paytaxt sakinlərini və şəhərimizin qonaqlarını simsiz və yayılan texnologiya vasitəsilə pulsuz internetlə təmin etməkdir. Məhz buna görə ilkin mərhələdə əhalinin daha çox sıx istirahət etdiyi yerlər seçilib.

 Məltəm  Talıbzadə


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə