İdeyaları gerçəkləşdirən İnnovasiya Mərkəzindən Reportaj

21-10-2015 / 10:54

Son illər ölkədə yaradılan innovativ mərkəzlərin sayı artır.

Xüsusən son vaxtlar  universitetlərdə  təşkil edilən innovasiya mərkəzləri diqqət cəlb edir.

Bir neçə ay əvvəl  Azərbaycan Dövlət Neft və Sənaye Universitetinin tərkibində NEXT STEP İnnovasiya Mərkəzi fəaliyyətə başlayıb.

Xeberler.az olaraq Mərkəzin fəaliyyəti və həyata keçirdiyi layihələrlə yaxından maraqlanmaq üçün NEXT STEP İnnovasiya Mərkəzində olduq.

Mərkəzin direktoru Kamran İmaməliyev Xeberler.az-a bildirib ki, Mərkəzin fəaliyyəti ölkə vətəndaşlarının innovativ ideya və layihələrini  cəlb etmək, dəyərləndirmək və də reallaşması üçün dəstək verməkdən ibarətdir.

Kamran İmaməliyev qeyd edib ki, Mərkəz fəaliyyətə başladığı gündən etibarən öz rəsmi internet səhifəsini qurub, sosial şəbəkələrdə öz təbliğatını həyata keçirməyə başlayıb və  NEXT STEP İnnovasiya Mərkəzi layihələri mərkəzə cəlb etmək üçün may ayının 25-dən iyun ayının 25-dək “Öz İdeyanı Gerçəkləşdir” adı altında müsabiqə keçirib:

“Müsabiqəyə 30-a yaxın layihə baş vurub, mərkəz tərəfindən 14-ü finala buraxılıb. Final zamanı layihələrin təqdimatı  Silikon Vadisindən olan biri professor olmaqla 2 nəfər ekspertimiz və mərkəzin işçiləri tərəfindən dinlənilərək dəyərləndirilib. Dəyərləndirmə sonunda 2 komanda – BakuParking Braille Pad layihələri seçiib və mərkəzdə fəaliyyət göstərmələri üçün dəvət olunub. Hazırda BakuParking layihəsinə mərkəz tərəfindən bütün dəstək verilərək öz fəaliyyətini icra edir”.

Mərkəz direktoru hazırda növbəti müsabiqə ilə bağlı fəaliyyətlərinin davam etdiyini deyib.

Onun sözlərinə götə, NEXT STEP İnnovasiya Mərkəzi  oktaybrın 1-dən  elan olunan “2-ci Öz İdeyanı Gerçəkləşdir” layihə müsabiqənin genişlənməsi işləri ilə məşğuldur:

“Hazırda müsabiqə üçün 10-dan çox  layihə müraciət edib. Amma hələlik geniş platformada  müsabiqənin təqdim edilməsinə başlamamışıq. Hələlik PR işləri yalnız  Facebook üzərindən  aparılır”.

Mərkəz direktoru qeyd edib ki, universitet tələbələri ilə görüş bu həftədən başlayacaq:

“Çalışacağıq ki, bu həftədən bir neçə universitetlərdə görüşlər təşkil edək. Tələbələrlə, müəllimlərlə və digər nümayəndələrlə  danışıqlar aparacağıq.  Müsabiqə dekabrın 1-ə qədər davam edəcək”.

Kamran İmamaəliyev müsabiqə ilə bağlı ətraflı məlumat verib:

“Əvvəlki müsabiqədə olduğu kimi bu müsabiqədə də ideya və layihə müəlliflərini ABŞ, Silikon Vadisi-ndə çalışan mütəxəssislər  Naeem Zafar və Rick Rasmussen dinləyib dəyərləndirəcəklər. Müsabiqəyə təqdim olunan layihələrdən tələb olunan əsas məqam- innnovativlik və biznes yönümlüllükdür”.

Qeyd edək ki, Mərkəz ADNSU-nun əsas binasının 5-ci mərtəbəsində, ümumi sahəsi 200 kvadrat metr olan, 2 əsas dəhliz, 2 işçi otaq və də 1 görüş otağından ibarətdir.

Kamran İmaməliyevin sözlərinə görə, Mərkəz fəaliyyətə başlayan zaman ayrılmış olan bütün ərazi tam təmir olunmuş, müasir tələblərə cavab verən, gücləndirilmiş elektrik və internet şəbəkəsi çəkilmiş, mərkəzdə tələbələrin rahat şəkildə çalışa bilmələri üçün bütün dəhliz və otaqlar kondisionerlə təmin edilibş  Bundan əlavə mərkəz yeni və müasir mebellərlə təmin olunub.

Məltəm Talıbzadə

 

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə