İl ərzində TQDK-nın elektron xidmətlərindən istifadə edənlərin sayı açıqlandı

06-05-2015 / 18:36

Tələbə Qəbulu üzrə Dövlət Komissiyasının elektron xidmətlərindən (TQDK) bu il ərzində istifadə sayı 855 min 338  olub.

Bu barədə Xəbərlər-ə Komissiyanın İnformasiyalaşdırma və texnoloji təminat şöbəsinin müdiri Çingiz Xəlilov məlumat verib.

Şöbə müdirinin sözlərinə görə, yarım il ərzində 32 min 856 namizədin elektron ərizəsi qəbul olunub, 84 min 484 nəfər isə imtaha buraxılış vərəqlərini elektron xidmət vasitəsi ilə əldə ediblər. Bununla yanaşı, 11 min 534 nəfərə imtahan nəticələri haqqında məlumatlar İnternet və ya qısa mesaj (SMS) vasitəsilə verilib.

Çingiz Xəlilov bildirib ki, 27 min 791 nəfərə onlayn cavab kartlarının qrafik təsvirləri İnternet vasitəsi ilə verilib.

107 min 322 nəfər isə bakalavr pilləsinə qəbul olmaq üçün təqdim etdikləri ərizələrin iş nömrələrinin axtarışını elektron xidmət üzərindən ediblər.

Onun sözlərinə görə, bu il ərzində 137 min 716 nəfər sınaq imtahanına yazılıb və həmçinin Komissiya tərəfindən 1827 onlayn sınaq imtahanın keçirilib. Komissiya tərəfindən İnternetdə 167 min 972 video mühazirələr yerləşdirilib.

Çingiz Xəlilov qeyd edib ki, TQDK-nın virtual ödəmə kartlarının onlayn və qısa mesaj vasitəs ilə satışı sayı 181 min 860 olub. TQDK nəşrlərinin və onların elektron versiyalarının onlayn satışı 308, TQDK-nın yenilikləri barədə SMS məlumatlandıranların sayı 736 nəfər olub. 30 vətəndaş isə qurumun rəhbərliyinin və məsul işçilərinin qəbuluna yazılıb.

Çingiz Xəlilov onu da qeyd edib ki, ümumtəhsil fənlər üzrə biliyin qiymətləndirilməsi ( attestasiya)  aparılan 1902 nəfər təhsil alanlar  TQDK-nın şagird-məzun sistemi” də özləri haqqında məlumatları İnternet vasitəsi ilə əldə ediblər.

 

Məltəm Talıbzadə 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə