İlin ən uğursuz qurğularının adı açıqlanıb

28-12-2016 / 17:27

Engadget portalı 2016-cı ilin ən pis qurğularının adını açıqlayıb. Siyahıda smartfonlar, noutbuk, saat və hətta qulaqcıq üçün keçirici yer alıb.

Xeberler.az RYTN-in elektron xəbər xidmətin istinadən məlumat verrir ki, ilin başlıca məyusedici qurğularından biri kimi öz-özünə alışma hallarına görə çoxsaylı şikayətlərin edildiyi Galaxy Note 7 smartfonu qeyd edilir.

Portal Cənubi Koreya istehsalçısının qurğusundan başqa ən pis smartfonlar siyahısına Sony şirkətinin Xperia X Performance modelini daxil edib. Qeyd olunur ki, telefonun Xperia X istehsal xəttindən olan əvvəlki qurğu ilə müqayisədə məhsuldarlığı cüzi yaxşılaşdırılsa da, qiyməti 700 dollar təşkil edir. Yüksək qiymətinə (1,5 min dollar) görə Android Wear sistemli Tag Heuer Connected “ağıllı” saatı da ilin pislənilən qurğular siyahısındadır.

Antireytinqdə, həmçinin baxmadan çap etməyin qeyri-mümkün olduğu sensorlu klaviaturaya malik Lenovo Yoga Book noutbuku da yer alıb. Sensor ekranlı Vinci “ağıllı” qulaqcığı qəribə xarici görünüşünə və üst tərəfində sensorlu displeyin yerləşməsinə görə siyahıya daxil edilib.

Bundan başqa, istehsalı satışa başlayandan 16 gün sonra dayandırılan GoPro Karma pilotsuz uçan aparatı və iPhone 7 qulaqcığı üçün keçirici 2016-cı ilin ən pis qurğusu seçilib.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə