İlk bitcoin ödəniş kartı təqdim olunub

23-11-2015 / 11:41

3 milyon bitcoin istifadəçisinin rəqəmsal pulqabısını işlədən Coinbase noyabrın 20-də  Shift Card -ı təqdim etməsi ilə Visa-nın qəbul edildiyi hər yerdə bitcoin ilə ödənişi imkanı yaradıb.

 Xeberler.az-ın xarici mətbuata istinadən verdiyi məlumata görə, Y Combinator dəstəkli Shift Payments imzalı Shift Card  mobil tətbiqi Shift ilə birlikdə istifadə edilir.

Bu tətbiq vasitəsilə istifadəçilər iOS və Android platformalı smartfonlarından ödəmələrini edə və xərclərini izləyə bilərlər.

 

Qeyd edək ki, bu günə qədər bitcoin ilə ödənişi təmin edən ATM kartları dünyanın fərqli yerlərində istifadəyə təqdim edilmiş olsa da, Shift Card ABŞ-da təqdim olunan ilk ATM kartı olma xüsusiyyətinə malikdir.

Kartı sifariş etmək üçün 10 dollar ödəyən istifadəçilər Visa-nın qlobal şəbəkəsindəki 38 milyon müəssisədən ödəmə imkanı qazanır. ABŞ xaricindəki mağazalardan alınan məhsul və xidmətlər üçün hər əməliyyata görə 3 faiz komissiya haqqı ödənilir. Bunun xaricində illik ödəniş və ya yerli əməliyyatlar üçün ödənilən bir komissiya yoxdur.

Xatırladaq ki, Coinbase istifadəçilərinin kartdan istifadəsi 24 əyalətdə məhdudlaşdırılıb. 

2014-ci ildə qurulan Shift Payments, ötən il iyul ayında 120 min dollar məbləğində investisiya alıb.

Ağasəf Haqverdiyev


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə