1968-ci il dekabrın 9-u ilk kompüter mausunun yarandığı gündür. Duqlas Enqelbartın ixtirası bir düyməsi olan təkərli taxta kubdan ibarət idi.
Naqil ixtiraçıya əsl siçanın quyruğunu xatırlatdığından qurğu kompüter siçanı adlandırılıb.
İlk mausun mühəndisi Bill İnqliş, proqram təminatının müəllifi isə Ceff Rulifsondur. Qurğunun daxilində 2 metal disk var idi: onlar maus irəli, sol və sağ tərəfə hərəkət etdikdə çevrilirdi.
Xeberler.az ict.az-a istinadən məlumat verir ki, sonralar Enqelbartın bu ideyası Xerox şirkətinin marağına səbəb oldu. Şirkət tədqiqatçıları qurğunun konstruksiyasını dəyişərək onu müasir mauslara oxşar vəziyyətə gətirdilər. 1970-ci ilin əvvəllərində Xerox ilk dəfə mausu fərdi kompüterin tərkib hissəsi kimi təqdim etdi. 400 dollar dəyərində olan qurğunun 3 düyməsi var idi.
1983-cü ildə Apple şirkəti Lisa kompüteri üçün bir düyməli maus hazırlamışdı. Mausun Apple Macintosh kompüterlərində və sonralar IBM PC üçün Windows əməliyyat sistemində geniş istifadəsi ona böyük populyarlıq qazandırmışdı.
Bu gün mexaniki və optik mauslar mövcuddur. Son texnoloji yenilik isə naqilsiz mausdur. Əvvəllər hər bir istehsalçı siqnalların ötürülməsi üçün öz üsulunu hazırlayırdı. Lakin sonradan əlaqə üçün Bluetooth bağlantısından daha geniş istifadə olunmağa başladı.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri