“İnformasiya Texnologiyaları Akademiyası” davam edir

04-08-2009 / 13:05
“İRƏLİ” “İnformasiya Texnologiyaları Akademiyası” layihəsi çərçivəsində  yeni təlimlər gerçəkləşdirir. Qurumun mətbuat xidmətindən verilən məlumata görə, bu dəfə təlimlər Gədəbəy və Daşkəsəndə keçirilir.

Gədəbəydə keçirilən təlimlərin açılış mərasimi 3 avqustda Gədəbəy Rayon İcra Hakimiyyətinin konfrans zalında baş tutub. Mərasimdə Gədəbəy Rayonu İcra Hakimiyyətinin başçısının birinci müavini Qüdrət Paşayev, Gədəbəy Rayon Təhsil Şöbəsinin müdiri Ramiz Məmmədov, Gədəbəy Rayonu Gənclər və İdman idarəsinin rəisi Rauf Səfərov, Gədəbəy Rayon İcra Hakimiyyətinin baş məsləhətçisi  Vüsal Musayev və “İnformasiya Texnologiyaları Akademiyası” layihəsinin rəhbəri Rauf Mərdiyev iştirak ediblər.

Daşkəsəndə keçirilən təlimlərin açılış mərasimi də 3 avqustda Daşkəsən Rayonu Mədəniyyət Evində baş tutub. Mərasimdə Daşkəsən Rayonu İcra Hakimiyyətinin başçısının müavini Mövsüm Hüseynov, Daşkəsən Rayon İcra Hakimiyyətinin baş məsləhətçisi Sahib Əhmədov, Daşkəsən Rayon Təhsil Şöbəsinin müdiri Nazim Verdiyev, Daşkəsən Rayonu Gənclər və İdman idarəsinin rəisi Samir Həsənov və “İnformasiya Texnologiyaları Akademiyası” layihəsinin əlaqələndiricisi və “İRƏLİ”nin nümayəndəsi Musa Qurbanov iştirak ediblər .

Qeyd edək ki, layihənin partnyorları “İRƏLİ” İctimai Birliyi, Gənclər və İdman Nazirliyi, Rabitə və İnformasiya Texnologiyaları Nazirliyi,  “HP” şirkəti və “Microsoft” şirkətidir.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə