İnformatika müəllimləri ən yaxşı videoresurs uğrunda yarışacaq

12-08-2015 / 14:28

İnformatika müəllimləri arasında "Ən yaxşı videotədris resursu" müsabiqəsi keçiriləcək.

Xəbərlər-in verdiyi məlumata görə, müsabiqəyə işlərin qəbulu sentyabrın 30-a kimi davam edəcək. Yarışın əsas məqsədi, Azərbaycan dilində videoresursların sayını artırmaqdır.

Müsabiqəyə keçmiş illərdə təqdim olunan işlərlə informatik.az saytının "Videoresurs müsabiqəsi" bölümündə tanış olmaq mümkündür. Müsabiqəyə təqdim olunacaq resursları [email protected] ünvanına göndərə bilərsiniz.

Xeberler.az olaraq müsabiqənin şərtlərini təqdim edirik:

1. hər iştirakçıdan yalnız bir iş qəbul olunur; 
2. video material Azərbaycan dilində olmalıdır;
3. videoçarx informatika dərsliklərinin bir mövzusuna həsr olunmalıdır (mövzunun izahı verilməlidir);
4. videoresursu youtube.com saytında yerləşdirib, onun linkini göstərilmiş ünvana göndərmək lazımdır.

Qaliblərin işlərinin linkləri informatik.az saytında yerləşdirilir. Müsabiqəni informatika dərsliklərinin müəllifləri və "Bakı" nəşriyyatı keçirir. Qaliblər hədiyyələrlə və diplomlarla təltif olunur. Qaliblərin təltifi, adətən, oktyabr ayında keçirilir.

Qeyd edək ki, artıq ikinci ildir ki, yarış keçirilir və  müsabiqədə respublikamızın müxtəlif regionlarında çalışan müəllimlər iştirak edirlər.

 

Ruhəngiz Muradova


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə