“İnnovativ Sahibkarlıq” mövzusunda təlim keçirilib

14-12-2017 / 16:07

Nəqliyyat, Rabitə və Yüksək Texnologiyalar Nazirliyinin tabeliyində İnformasiya Texnologiyalarının İnkişafı Dövlət Fondu ilə Türkiyə Respublikasının Kiçik və Orta Sahibkarlığın İnkişafı Təşkilatı (KOSGEB) əməkdaşlığı çərçivəsində 14-15 dekabr 2017-ci il tarixində “İnnovativ sahibkarlıq” mövzusunda təlim keçirilib.

Xeberler.az bildirir ki, təlimdə startap rəhbərləri, gənc sahibkarlar və tələbələrin iştirakı nəzərdə tutulur. Təlimin əsas məqsədi yerli startapçılarda innovativ sahibkarlıq ənənəsinin formalaşdırılması və bu sahədə biliklərin artırılmasıdır.

Seminarda “tədqiqat və inkişaf”, “innovasiya və sənaye tətbiqinə dəstək proqramları”, “əsas sahibkarlq konsepsiyası”, “bazarın araşdırılması”, “biznesin növləri və funksiyaları” və digər mövzular müzakirə olunub.

Qeyd edək ki, KOSGEB Türkiyə Respublikasında iqtisadı və sosial ehtiyacların qarşılanmasında kiçik və orta ölçülü müəssisələrin payını və təsirini artırmaq, həmçinin rəqabət gücünü yüksəltmək məqsədilə 1990-cı ildə yaradılıb.

Adı çəkilən qurum kiçik və orta ölçülü sahibkarlara dəstəyini birbaşa maliyyə yardımların edilməsi, güzəştli kreditlərin verilməsi, məsləhət xidmətlərinin göstərilməsi, xarici bazarlara çıxışa yardım edilməsi və bu kimi digər vasitələrlə həyata keçirir.

Xeberler.az

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.