Instagram-da milyonlarla hesaba hücum olub

02-09-2017 / 22:22

Instagram-da çox sayda məşhurların da olduğu milyonlarla insanın hesablarına haker hücumu olub.

Xeberler.az xarici mediaya istinadən məlumat verir ki, cinayətkarların oğurladığı hesabın sahiblərinə aid şəxsi məlumatlar və nömrələr paylaşılır.

Instagram-da yaranan bir bug (texniki səhv, təhlükəsizlik açığı) sayəsində demək olar ki, hakerlər bütün istifadəçilərin hesablarını ələ keçirmək imkanı qazanıb.

Belə ki, ötən günlərdə Selena Gomez-in hesabı ələ keçirilib və köhnə sevgilisi Justin Bieber-in qəribə fotoşəkilləri paylaşılıb. Daha sonra hakerlər milyonlarla hesabı ələ keçirməyə başlayıb.

Onların ələ keçirdiyi elektron poçt ünvanları və telefon nömrələri açıq paylaşılıb.

Məlumatlara görə, hücumdan sonra hesab məlumatları ABŞ saytlarında 10 dollardan satışa çıxarılıb.

Məsələ ilə bağlı açıqlama verən şirkət, oğurlanmış hesablarda çox sayda təsdiq edilmiş, rəsmi hesablar olduğunu etiraf edib.

Hazırda 700 milyondan çox aktiv Instagram hesabı var və onun 6 milyondan çoxuna hücum olub.

Qeyd edilir ki, hakerlər hazırda Instagram hesablarının məlumatları sata bilməz, çünki bununla bağlı saytlar bağlanıb.

Məlumatlara görə, buna baxmayaraq aşağdakı məşhurların hesabları hakerlərin əlindədir və onların hər an bu məlumatları açıq paylaşa, sata bilər:

Aktyorlar: Emma Watson, Emilia Clarke, Zac Efron, Leonardo DiCaprio, Channing Tatum

Musiqiçilər: Harry Styles, Ellie Goulding, Victoria Beckham, Beyonce, Lady Gaga və Rihanna, Taylor Swift, Katy Perry, Adele, Snoop Dogg, Britney Spears.

İdmançılar: Floyd Mayweather, Zinedine Zidane, Neymar, David Beckham, Ronaldinho.

Günel


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə