İnternet təhlükəsizliyi üçün yeni qurum yaradılacaq

05-10-2008 / 13:16

İNTERNETDƏ TƏHLÜKƏSİZLİK

Azərbaycanlı hakerlər  Milli Məclisin saytına hücum edib. ''Azərbaycan Defeysers''  adlı proqramçılar qrupu Parlamentin rəsmi saytı olan meclis.gov.az-ın ana səhifəsini gunes.li/hacked/rusvete_son.html linkinə yönləndirilib. Hakerlər açılan səhifəyə Ramil Səfərovun şəkillərini və Azərbaycanın xəritəsini yerləşdirmişdilər. Milli Məclisin saytı gecə saat 2-də düzəldilib.

Rabitə və İnformasiya  Texnologiyaları nazirinin müavini Elmir Vəlizadə: ‘İnformasiya təhlükəsizliyini daha da ciddiləşdirmək üçün bir qurum yaradılacaq. Bu qurum həm dövlət, həm də qeyri-dövlət saytlarına diqqət ayıracaq və fərdi istifadəçilərin də hüquqlarını qoruyacaq’’.

Baş vermiş bu məsələ dövlət saytlarının və internet istifadəçilərinin təhlükəsizliyini gündəmə gətirib. Rabitə və İnformasiya Texnologiyaları Nazirliyi isə virtual aləmin təhlükəsizliyi ilə məşğul olmaq üçün yeni addımlar atacaq.

Yeni qurum dünya təhlükəsizlik qurumlarının analoqu olacaq və həm dövlət orqanları, həm fərdi istifadəçilərə xidmət göstərəcək. İnternet istifadəçiləri qurumdan məsləhətlər ala biləcək. Qurumun yaradılması ümumi internet təhlükəsizliyinə aid kompleks planın tərkib hissəsidir.

xeberler.az/Vüqar Baba


 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə