İnternetin sürəti niyə zəifdir?

22-08-2017 / 18:03

Əksər vaxt istifadəçilər internetin sürətinin zəif olmasından şikayət edir. Onlar qeyd edir ki, modem aktiv olsa da, internet yaxşı işləmir.

Xeberler.az-ın məlumatına görə, bunları nəzərə alaraq Bakı Telefon Rabitəsi təlimat yayımlayıb.

Təlimatda bu problemlə qarşılaşan internet istifadəçiləri üçün tövsiyyələr yer alıb:

- İlk öncə modemə qoşulmuş cihazların sayını dəqiqləşdirin. Kənar şəxslərin Sizin modemə qoşulmaq ehtimalı həmişə var.
- İnternet trafikinə təsir göstərə biləcək proqramların “startup” vəziyyətdə olub-olmamasını yoxlayın, əgər bu cür proqramlar varsa, onları deaktiv edin;
- Cihaz internetə qoşulmadığı zaman paket göstəriciləri (trafik) diqqətlə izləyin. İnternet aktivliyi yoxdursa, buna baxmayaraq, paket (trafik) istifadə olunursa bu o deməkdir ki, həmin qurğu nasaz vəziyyətdədir. Test məqsədi ilə modem dərhal simsiz və yaxud simli şəbəkədən ayrılmalıdır;
- Modemin veb səhifəsinə daxil olub LAN bölməsində real qoşulan cihazların fiziki ünvanlarına baxın.
Simsiz rabitədə Sizə məxsus olmayan cihazların fiziki ünvanları aşkarlandığı halda
a) Simsiz şəbəkənin adını və şifrəsini dərhal dəyişdirin;
b) Modemin WPS funksiyasını deaktiv edin.

Məlumatda o da qeyd edilib ki, bütün bunları yerinə yetirmək üçün 155 Çağrı Mərkəzi və yaxud da yerli Telekommunikasiya Qovşağı ilə əlaqə saxlayıb, onların təlimatı ilə modeminizi özünüz də sazlaya bilərsiniz.

Xeberler.az

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə