İT şirkətimizin fəaliyyəti beynəlxalq forumda qiymətləndirilib

05-12-2015 / 12:48

Neuron Technologies Regional İnternet İdarəçilik Forumunda fəal iştirak  edib.

Məlumat verdiyimiz kimi, ADA Universitetində  Rabitə və Yüksək Texnologiyaları Nazirliyi və BMT-nin İnkişaf Proqramı tərəfindən 3-cü “Regional İnternet İdarəçilik Forumu Azərbaycan” (RİFAZ 2015) keçirilib. Bu ilki Forum “İKT İnnovasiyalarının Regional İnkişaf Mühitinin Yaradılması” devizi altında keçirilib.

Xeberler.az-ın məlumatına görə, tədbirin 3-cü sessiyasında panelist qismində iştirak edən Neuron Technologies şirkətinin rəhbəri İsmayıl Ələkbərov “Global Technology Trends and Neuron Technologies business cases in Azerbaijan” mövzusunda çıxış edib.

İsmayıl Ələkbərovun  təqdimatı tədbir iştirakçılarının geniş marağına səbəb oldu.

Belə ki, təqdimat zamanı dünyada əsas texnologiya trendləri şərh edilib  və Neuron Technologies şirkətinin tətbiq etdiyi mütərəqqi həllər barədə məlumat verilib.

BMT-nin, müxtəlif nüfuzlu beynəlxalq təşkilatların, İKT sahəsində tanınmış beynəlxalq ekspertlərin iştirak etdiyi panel sessiyası zamanı aparılan müzakirələrdə Neuron Technologies şirkətinin dünya səviyyəli innovativ həlləri və tətbiqləri təqdirəlayiq hesab edilib.

Qeyd edək ki, Regional İnternet İdarəçiliyi Forumu beynəlxalq əhəmiyyətli tədbir olaraq, İKT üzrə ölkəmizdə təşkil edilən yüksək-səviyyəli forumdur.

Tədbirin keçirilməsində əsas məqsəd Azərbaycanın regional İKT inkişafının mərkəzi kimi milli İKT iştirakçılarının beynəlxalq mütəxəssislərlə bir arada təcrübə mübadiləsini və əməkdaşlığını həyata keçirmək, eyni zamanda regionların Milli internet idarəçiliyinə cəlb edilməsini təmin etməkdir. Tədbirdə Neuron Technologies şirkəti ilə Azərbaycanın və müxtəlif ölkələrin hökumət, biznes nümayəndələri, elm və vətəndaş cəmiyyəti sahələrinin iştirakçıları arasında internetlə bağlı aktual problemlər müzakirə edilib.

Məltəm Talıbzadə 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə