Azərbaycan İnternet Forumunun prezidenti Osman Gündüz Nəqliyyat, rabitə və yüksək texnologiyalar naziri Ramin Quluzadə ilə görüşüb.
Xeberler.az-a açıqlama verən Azərbaycan İnternet Forumunun prezidenti Osman Gündüz, “Elektron ticarətlə bağlı keçirilən konfransda iştirak edən nazirin elə konfrans çərçivəsində belə bir görüş üçün imkan yaratmasından məmnun qaldım”- deyə bildirib.
Osman Gündüz nazirin operativ olaraq belə bir imkan yaratmasını sektorun daha da inkişafı üçün maraqlı tərəflərlə əməkdaşlığa yetərincə önəm verməsi kimi dəyərləndirib.
Qeyd edək ki, görüşdə ölkədə İKT sahəsində son dövrlərdə həyata keçirilən işlər, əldə olunan uğurlar, sektorda olan mövcud çətinliklər və problemlər ətrafında fikir mübadiləsi aparılıb.
Belə ki, nazir geniş zolaqlı internetin inkişafını daha da sürətləndirmək üçün, özəl sektorun kabel-kanal sistemindən istifadəsi üçün daha münbit şəraitin yaradılması istiqamətində işlərin davam etdirildiyini, dövlət və özəl provayderlər üçün bərabər əsasların və qaydaların hazırlanacağını bir daha vurğulayıb.
Həmçinin sektorda inkişafı sürətləndirməyə, daha operativ qərarlar qəbul etməyə dəstək ola biləcək hüquqi bazanın təkmilləşdirilməsinin vacibliyi qeyd olunub.
Xeberlera.z
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri