"ABI Research” analitik şirkətinin qiymətləndirməsinə görə, 2015-ci ilin sonunadək dünyada “4G LTE” mobil rabitə standartından istifadə edən abunəçilərin sayı 1,37 milyard təşkil edəcək. 2014-cü ildə onların sayı 650 milyon nəfər olub.
Xeberler.az RYTN-nin rəsmi saytına istinadən məlumat verir ki, ekspertlərin proqnozuna görə, gələcəkdə "4G LTE” standartının istifadəçi bazası inamla artmaqda davam edəcək. 2020-ci ilədək dünyada bu tip rabitədən artıq 3,5 milyard nəfərin istifadə edəcəyi ehtimal olunur. Bununla da yaxın beş ildə "4G LTE” standartı abunəçilərinin illik artımı orta hesabla 20,8 faiz artacaq.
Analitiklər qeyd edir ki, yüksəksürətli rabitə standartının sürtəli tətbiqi “LTE” infrastrukturunun inkişafına böyük investisiyaların yatırılmasını zəruri edir. Şəbəkələrin genişlənməsinə xərclərin həcminin illik artımının 10 faiz olacağı güman edilir.
Mobil operatorların “LTE” şəbəkələrinin inkişafı üzrə daha fəal iş apardığı ölkələr arasında mütəxəssislər ABŞ, Sinqapur, Çin və digər Asiya dövlətlərinin adlarını çəkirlər. “ABI Research”in proqnozuna görə, bu il “4G”-nin Asiya-Sakit okean regionunda nüfuzetmə səviyyəsi 2014-cü illə müqayisədə 150 faiz artaraq 20,8 faizə yüksələcək.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri