Massaçusets Texnoloji İnstitutunda tələbələr maliyyə texnologiyaları sahəsində biliklərini xüsusi kurs keçməklə artıra biləcəklər.
Xeberler.az RYTN-nin rəsmi saytına istinadən məlumat verir ki, yeddi həftəlik kurslarda maliyyə və sahibkarlıq üzrə təhsil alan tələbələr iştirak edəcəklər. Kurslar institutun elektrotexnika və kompüter elmləri fakültəsinin və Harvard Universitetinin hüquq fakültəsinin dəstəyi ilə keçiriləcək.
Bu, ABŞ-da məzunlar üçün müasir maliyyə texnologiyaları əsasında biznesin qurulmasına yönələn ilk kursdur.
“Massaçusets Texnoloji İnstitutu maliyyə innovasiyalarında dünyada həmişə birinci olub. Maliyyə texnologiyalarına artan maraq fonunda biz bu tendensiyaya uyğun kurs açmaq qərarına gəldik”, - kurs müəllimlərindən biri qeyd edib.
Proqram çərçivəsində tələbələr maliyyə texnologiyalarının müxtəlif kateqoriyalarını - istehlak krediti, ödənişlər, ticarət və kriptovalyutaları öyrənəcəklər. Bundan başqa, təlim iştirakçıları öz müəssisələri üçün biznes planları hazırlaya biləcək.
Bir müddət əvvəl Massaçusets Texnoloji İnstitutunda bitcoin virtual valyutası üzrə kursların açılması barədə məlumat yayılıb.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri