MasterCard istifadəçiləri təhlükədədir

07-09-2017 / 12:55

MasterCard ödəniş sisteminin müştəriləri haker hücumuna məruz qalıblar.

Xeberler.az bildirir ki, ESET rəsmiləri artıq bununla bağlı müvafiq qurum və təşkilatları məlumatlandırıb.

Məlumata əsasən, kibercinayətkarlar MasterCard-ın müştərilərinə elektron məktub ünvanlayaraq hesabın bloklandığını bəyan edir. Məhdudiyyəti aradan qaldırmaq üçün müştəriyə müvafiq link üzrə keçid etmək təklif olunur. Link vasitəsilə müştəri fişinq sayta daxil olur. Burada isə kibercinayətkarlar öz qurbanlarına şəxsi məlumatlarının, o cümlədən bank hesabının yenilənməsini təklif edir. Beləliklə, bütün məxfi məlumatlar hakerlərin əlinə keçir.

Antivirus şirkətinin nümayəndəsi bildirir ki, saxta saytda fərdi və ödəniş məlumatlarından (nömrə, istifadə müddəti və bank kartının CVV-si) ibarət anketi doldurmaq təklif edilir. Anketi doldurub "Enter" düyməsinə sıxan istifadəçi bütün məlumatlarını hakerlərə göndərmiş olur ki, bundan sonra, ehtimal ki, bu informasiya kartdakı vəsaitin silinməsi məqsədilə istifadə ediləcək.

Eset antivirus şirkəti kompüteri Antifişinq və Antispam funksiyalarına malik kompleks antivirusla qorumağı məsləhət bilir. 

Günel 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə