Yaponiya məktəblilərinin hazırladığı adi batareya ilə işləyən elektrik qatarı Ginnesin rekordlar kitabı-na düşüb.
Xeberler.az RYTN-nin rəsmi saytına istinadən bildirir ki, kitabda müvafiq qeyd sınaq qatar nümunəsi Akita prefekturasında dəmiryolu ilə 23 km məsafəni uğurla qət etdikdən sonra edilib.
Yeni rekord dəmiryolu ilə adi batareya enerjisindən istifadə etməklə ən böyük məsafəni qət edən “nəqliyyat vasitəsi” kateqoriyasında qeydə alınıb.
13 yuxarı sinif şagirdinin daxil olduğu qrupa Takumi Tsukidzava rəhbərlik edir.
Bir kiçik vaqondan ibarət olan elektrik qatarının damı iki böyük batareya mulyajı ilə bəzədilib. Qatarı hərəkətə gətirmək üçün gənc ixtiraçılar bütün mağazalarda satılan D tipli 600 batareyadan istifadə ediblər. On nəfər sərnişinin yerləşdiyi nəqliyyat vasitəsinin sürəti aşağıdır və saatda 7-10 km təşkil edir. Bu səbəbdən 23 km məsafəni qət etmək üçün 2 saat 47 dəqiqə lazım olub.
Yurihondzay şəhərində Maeqo stansiyasının platformasında unikal elektrik qatarının gəlişini Ginnesin rekordlar kitabı-nı təmsil edən mütəxəssislər, çoxsaylı yerli sakinlər, eləcə də yeni rekordçuların təhsil aldığı məktəbin şagird və müəllimləri gözləyiblər. Rekordun qeydə alınmasını təsdiq edən sertifikat məktəblilərə alqış sədaları altında təqdim edilib.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri