Microsoft pulsuz antivirus təqdim edəcək

19-11-2008 / 16:01
Microsoft şirkəti özünün antivirus strategiyasını dəyişir. Belə ki, şirkət OneCare uğursuz pullu antivirus proqramının gələcək inkişafından imtina etmək qərarına gəlib. Həmin proqramın əvəzinə isə Microsoft 2009-cu ildə təqdim olunması gözlənilən pulsuz antivirus proqram işləyib hazırlamaq niyyətindədir.
Microsoft-da qeyd edirlər ki yeni antivirus komplekti hələ ki, Morro kod adı ilə tanınır. Onun istehlakçı kompüterlərini viruslardan, troyanlardan, zərərli proqramlardan, rutkitlərdən (əməliyyat sistemlərinin təhlükəli kodları) qoruyacağı nəzərdə tutulub, Cybersecurity  yazır.
Qeyd edək ki, Morro OneCare-də olan bir neçə funksiyalarla təchiz olmayacaq. Burada söhbət əsasən təhlükəsizliklə bağlı olmayan funksiyalardan gedir. Digər tərəfdən Morro başlıca olaraq təhlükəli kodların aşkar olunması funksiyasını yerinə yetirəcək ki, belə vəziyyətdə sistem resurslarının bir hissəsini boşaltmağa və prosessorun əlavə yüklənməsini aradan qaldırmağa imkan yaranır.
Microsoft-un rəsmi məlumatına görə məhz pulsuz antivirusun buraxılması barədə qərarın qəbul olunmasının səbəbi, dünyada bu günədək ümumiyyətlə antivirus proqramı ilə təmin olunmamış kompüterlərin çox olmasıdır.
Qeyd etmək lazımdır ki, Microsoft-un bu addımı antivirus şirkətləri tərəfindən hələ ki sakit qarşılanıb.
mənbə: mincom.gov.az

ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə