Milli Məclisdə Wikipedia-ya nəzarətlə bağlı məsələ qaldırılıb

10-03-2017 / 14:01

Bu gün Milli Məclisdə Wikipedia a internet ensiklopediyasına nəzarətlə bağlı məsələ qaldırılıb.

Xeberler.az Report-a istinadən məlumat verir ki, parlamentin bu gün keçirilən plenar iclasında deputat Məlahət İbrahimqızı  bildirib ki,  Wikipedia  internet resursunda Azərbaycanla bağlı məlumatlar təhrif edilir.

O, bu sahəyə nəzarətin vacib olduğunu qeyd edib:

 “Azərbaycan əraziləri, şəxsiyyətləri ilə bağlı məlumatlar təhrif edilir. Məsələn, Gəncə şəhəri ermənilərin şəhəri kimi göstərilmişdi. Bunlara nəzarət olunmalıdır”.

Parlamentin Hüquq siyasəti və dövlət quruculuğu komitəsinin üzvü Vüsal Hüseynov da bildirib ki, Azərbaycanla bağlı məlumatlar təhrif edilir:

“Amma bu məsələləri qanun çərçivəsində həll etmək çətindir. İctimaiyyət burada fəal olmalıdır. Nəzarət orqanlarından tələb etmək doğru deyil”.

Nəqliyyat, rabitə və yüksək texnologiyalar nazirinin müavini Elmir Vəlizadə bildirib ki, son dövrlərdə Wikipedia-yamötəbər mənbə kimi istinad edilməsi ləğv edilib.

Nazir müavini qeyd edib ki, Wikipedia-da o qədər təhriflərə yol verilir ki, bunların düzgünlüyünü sübut etmək çətinləşir:

“ Wikipedia istifadəçi tərəfindən yaradılan mənbələrdir və onlar həmin mənbənin özünün qaydaları ilə tənzimlənir. Yəni hər hansı bir milli səviyyədə qanun qəbul edilməsi ilə o məlumatların tənzimlənməsi bir o qədər də real görsənmir.  Wikipedia -da Azərbaycan haqqında doğru məlumatların sayını çoxaltmalıyıq ki, axtarış zamanı Azərbaycanın həqiqətlərinə uyğun məlumatlar çıxsın. Eyni zamanda, həqiqətə uyğun olmayan məlumatlara qarşı mübarizəmizi aparmalıyıq. Onların təhrif olunmasının qarşısını almalıyıq”.

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə