MİLLİ NET

Məlumat verdiyimiz kimi, Milli İnternet Mükafatı - Milli Net 2016 müsabiqəsində səsvermənin 1-ci mərhələsi başa çatıb.

Səsvermənin 1-ci mərhələsinin yekun nəticələri əsasında Milli Net TK -nın qərarı ilə 11 Nominasiya üzrə 238 sayt arasından ən yaxşılar olan 67 sayt və 7 mobil tətbiq Nominant statusu alıb.

Hazırda bu saytlar 2-ci qiymətləndirmə mərhələsində mübarizəni davam etdirir. Səsvermənin 2-ci mərhələsi 18 dekabr tarixdə başa çatacaq.2-ci səsvermənin nəticəsindən asılı olaraq hər Nominasiya üzrə qaliblər seçiləcək.

Milli İnternet Mükafatının ənənəvi yekun təqdimat mərasiminin dekabrın 22-də , saat 18.00-da Bakı Biznes Mərkəzində keçirilməsi nəzərdə tutulub.

Təşkilat Komitəsi tərəfindən hazırda qaliblərin mükafatlandırılmasına hazırlıq işləri görülür.

Məlumata görə, MilliNet-in dəvətnamələri də artıq göndərilməyə başlanıb.

Təqdimat mərasiminə dövlət və özəl sektorun nümayəndələri, ölkənin internet ictimaiyyətinin nümayəndələri, İKT sektorunun tanınmışları qatılacaq.

Təşkilat Komitəsindən bildirildiyinə görə, Nominant statusu əldə edən hər bir layihə MillNet Yekun Təqdimat mərasiminə dəvətlidir.

Müsabiqədə 11 Nominasiyanın hər biri üzrə qalib gələnlərə Milli Net-in tuncdan hazırlanmış xüsusi mükafatı – hörümçək əks olunan buta təqdim olunacaq.

2-ci və 3-cü yerlərin qaliblərinə diplomlar və  həmçinin BestComp şirkəti və Lenovo şirkətlərinin hədiyyələri təqdim olunacaq.

Milli İnternet Mükafatına Rabitə və Yüksək Texnologiyalar Nazirliyi dəstək verir. Delta Telecom, BestComp və Lenovo şirkətləri də Milli İnternet Mükafatına dəstək verirlər.

Xeberler.az