Mobil operatorların lisenziyasının vaxtı bitir

28-08-2015 / 15:17

Azərbaycanın iki aparıcı mobil rabitə operatoru olan Bakcell və Azercell şirkətlərinin fəaliyyəti üçün verilmiş lisenziyaların müddəti bu il başa çatır.

"Hazırda lisenziyaların vaxtının uzadılması məsələsi bu sahədəki fəaliyyəti tənzimləyən Rabitə və Yüksək Texnologiyalar Nazirliyinin diqqət mərkəzindədir".

Xəbərlər-in Report-a istinadən verdiyi məlumata görə, bunu rabitə və yüksək texnologiyalar naziri Əli Abbasov bildirib.

Nazir qeyd edib ki, bu yaxınlarda Nazirlik tərəfindən bütün mobil və stasionar rabitə operatorlarında testlər keçirilib: "Onlara mövcud olan çatışmazlıqların aradan qaldırılması üçün müvafiq tapşırıqlar verilib. Məqsəd, mobil və stasionar operatorlarda xidmətlərin keyfiyyətinin yüksəldilməsidir".

Ə.Abbasov, həmçinin mobil operatorların lisenziyalarının uzadılması məqsədi ilə keçirilən testlərin nəticəsi və mövcud çatışmazlıqların nəzərə alınacağını bildirib.

 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə