Moldova rəqəmli televiziya yayımına keçidə başlayır

17-06-2015 / 15:29

İyunun 17-də Moldovada rəsmən yerüstü rəqəmli televiziya yayımına keçid üzrə prosesə start verilib.

Xeberler.az RYTN-nin rəsmi saytına istinadən məlumat verir ki, ölkənin informasiya texnologiyaları və rabitə naziri Pavel Filipin təqdimatına əsasən, aprelin 22-də Moldova hökuməti analoq televiziya yayımından rəqəmli formata keçid strategiyasını təsdiq edib.

Nazirin sözlərinə görə, analoq televiziya yayımından yerüstü rəqəmli yayıma keçid bir neçə mərhələdən ibarət olacaq. İlk üç il ərzində (keçid dövrü) rəqəmli yayım analoq yayımla birlikdə həyata keçiriləcək. Televizor qurğuları rəqəmli siqnalı qəbul etmək üçün qəbuledicilərlə təchiz edilən abunəçilər proqramları “DVB-T2” rəqəmli formatında qəbul edə biləcəklər. Həmçinin televiziyanı köhnə model televizorlarla seyr edən tamaşaçılar siqnalı analoq standartında qəbul etməkdə davam edəcəklər.

Qeyd olunur ki, keçid dövrü başa çatdıqdan sonra analoq formatlı televiziya siqnalının yayımı dayandırılacaq. Dövlət rəqəmli televiziya siqnalını qəbul etmək üçün əhalinin aztəminatlı təbəqəsini pulsuz qəbuledicilərlə təmin edəcək.

Xeberler.az

 

ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə