Nazirlik şikayətləri onlayn cavablandıracaq

27-05-2015 / 13:48

Maliyyə Nazirliyinin Dövlət Sığorta Nəzarəti Xidməti daxil olan müraciətləri daha tez, keyfiyyətli və effektiv şəkildə nəzərdən keçirmək məqsədilə yeni proqram təminatının tətbiqinə başlayıb.
Xeberler.az-ın məlumatına görə, bu barədə xidmətin rəsmi saytında xəbər verilib.

Məlumatda deyilir ki, yeni proqram təminatı sayəsində Dövlət Sığorta Nəzarəti Xidmətinə elektron şəkildə daxil olan şikayətlər gərəkli məlumat və sənədlərlə birgə avtomatik olaraq müvafiq sığorta şirkətinin elektron poçtuna göndəriləcək.

Yeni imkandan istifadə etmək üçün istifadəçi Dövlət Sığorta Nəzarəti Xidmətinin saytında “Məktub yazmaq” bölməsinə daxil olub təklif olunan əməliyyatları sıra ilə yerinə yetirməlidir. Ərizəçi sığorta şirkətindən şikayətçidirsə, “Şikayət” sətrini, daha sonra sığorta şirkətini seçməli və şikayəti müvafiq pəncərədə yerləşdirməlidir. Şikayət göndərildikdən sonra istifadəçinin elektron poçtuna şikayətin qəbul edilməsi ilə bağlı məlumat gələcək.

Daha sonra ərizəçiyə şikayətin nəticələri barədə rəsmi məktub göndəriləcək. Bu məktubun surəti istifadəçinin elektron poçtuna da göndəriləcək.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə