Nazirlikdə elektron marketinq üzrə işçi qrupu yaradılıb

28-10-2015 / 16:24

Azərbaycanın turizm potensialının elektron marketinq vasitələri ilə təbliği məqsədilə Mədəniyyət və Turizm Nazirliyində turizm sahəsində elektron marketinq üzrə işçi qrupu yaradılıb.

Nazirliyin informasiya və ictimaiyyətlə əlaqələr şöbəsindən Xeberler.az-a verilən məlumata görə,  yaradılan işçi qrup Nazirliyin marketinq planına əsasən hədəf bazarlarında aidiyyəti kampaniyaların təşkilində, xarici internet portallarında ölkəmizin turizm potensialının təbliğ olunması üçün müvafiq layihələrin həyata keçirilməsində, eləcə də gəlmə turizm üzrə marketinq tədqiqatlarının aparılmasında iştirak edəcək.

Məlumatda həmçinin bildirilir ki, hazırda dünyada 3 milyarddan artıq insan internetdən istifadə edir. Bu da öz növbəsində qlobal internet məkanını təbliğat üçün effektiv bir vasitəyə çevirmiş olur. Bir sıra xarici ölkələrin təcrübəsinin təhlili göstərir ki, son zamanlar turizm və iqtisadiyyatın digər sahələrində elektron marketinq daha geniş istifadə olunur. Ənənəvi təbliğat vasitələrindən fərqli olaraq, elektron marketinq az maliyyə vəsaiti tələb etməklə daha çox effektiv təbliğat və informasiya təsirinə malikdir.

Sevinc Əsədova


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə