Nazirlikdə təhlükəsizliklə bağlı yeni mərkəz yaradıldı

20-12-2015 / 12:21

Rabitə və Yüksək Texnologiyalar Nazirliyinin Məlumat Hesablama Mərkəzinin nəzdində “Elektron idarəçilik, informasiya sistemləri və kibertəhlükəsizlik” Elm-Təhsil və Texnologiyalar Birliyinin yaradılması istiqamətində işlərin icrasına başlanıb.

Mərkəzdən Xeberler.az-a bildirlib ki, Elm-Təhsil və Texnologiyalar Birliyi çərçivəsində yeni tədris ilindən etibarən Azərbaycan Texniki Universitetində elektron xidmətlər, elektron imza və geniş zolaqlı internet şəbəkələri üzrə laboratoriyalar fəaliyyətə başlayıb.

Bu ilin iyun ayında Azərbaycan Texniki Universiteti (AzTU) və Məlumat Hesablama Mərkəzinin nəzdində Elm-Təhsil və Texnologiyalar Birliyinin yaradılması qərara alınıb, bu barədə AzTU və “Elektron hökumət” portalının operatoru arasında müqavilə imzalanıb.

Hazırda hər iki müəssisədə yeni tərəfdaşlıq əsasında Elm-Təhsil və Texnologiyalar Birliyinin yaradılması istiqamətində müvafiq iş aparılır. Məqsəd “Elektron idarəçilik, informasiya texnologiyaları və sistemləri mühəndisliyi” üzrə ali təhsilli kadrların hazırlığı üzrə elm-təhsil və biznes səylərinin birləşdirilməsidir.

 

Xeberler.az

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə