Əmək və Əhalinin Sosial Müdafiəsi Nazirliyinin 142-“Çağrı mərkəzi”nə müraciətlərin sayı ötən ay 16 faiz azalıb
Noyabr ayında Əmək və Əhalinin Sosial Müdafiəsi Nazirliyinin 142 -“Çağrı mərkəzi”nə vətəndaşlar tərəfindən 9099 müraciət edilib ki, bu da əvvəlki oktyabr ayı ilə müqayisədə 16 faiz (1742 müraciət) azdır.
Nazirliyin ictimaiyyətlə əlaqələr şöbəsindən Xeberler.az-a verilən məlumata görə, müraciətlərin sayı sosial təminat məsələləri üzrə 9,9 faiz azalaraq 3671-ə, əmək qanunvericiliyi ilə əlaqədar 19,5 faiz azalaraq 1972-yə, tibbi-sosial ekspertiza və əlilliyi olan şəxslərin reabilitasiyası üzrə 17,7 faiz azalaraq 995-ə, məşğulluq məsələləri ilə əlaqədar isə 6,2 faiz azalaraq 828-ə enib. Həmçinin ötən ay 142 -“Çağrı mərkəzi”nə Əmək və Əhalinin Sosial Müdafiəsi Nazirliyinin elektron xidmətlərindən istifadə ilə bağlı 1633 müraciət daxil olub.
Müraciətlərin 92 faizində (8374 müraciət) qeyd olunan sahələrlə bağlı sorğular ifadə olunub. Nazirliyin mütəxəssisləri hər bir sorğu ilə bağlı vətəndaşlara dolğun hüquqi izahatlar veriblər.
Əmək hüquqlarının müdafiəsi, bu və ya digər sosial təminat növünə hüququn müəyyən edilməsi məsələlərinin, təklif və şikayətlərin əksini tapdığı 725 müraciət isə araşdırılmaq üçün nazirliyin müvafiq struktur bölmələrinə göndərilib. Onlar qısa müddətdə araşdırılaraq aidiyyəti üzrə tədbirlərin görülməsi təmin edilib.
Mirvari Nəcəf
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri