Nəqliyyatda gediş haqqı xüsusi kartlarla ödəniləcək

20-11-2010 / 08:56

Nəqliyyat Nazirliyi nəqliyyat siyasəti və iqtisadiyyat şöbəsinin müdiri Sədrəddin Məmmədov bildirib ki, bu məqsədlə Bakı şəhərində vahid nəqliyyat ödəniş kartlarından istifadə ediləcək.

Həmin kartlar vasitəsilə təkcə avtobuslarda deyil, metropoliten və taksilərdə, hətta elektrik qatarlarında da ödəniş etmək mümkün olacaq. Artıq ödəniş kartının forması və dizaynı müəyyənləşdirilib. Bu kartlara məbləğ xüsusi terminallarda yüklənəcək və bunun üçün əsas nəqliyyat obyektləri - metropoliten, avtovağzallar, dəmir yolu vağzalı və aeroportlarda həmin terminalların quraşdırılması nəzərdə tutulur. Paralel olaraq bütün nəqliyyat vasitələrində (o cümlədən, avtobuslar və taksilərdə) bu kartlar vasitəsilə ödənişi qəbul etməyə imkan verən mini-terminallar quraşdırılacaq. Bu terminalların ilk nümunələri artıq noyabrın sonunadək Azərbaycana gətiriləcək.

Qeyd edək ki, kartların tətbiqi ilə yanaşı ödənişi nağd yolla etmək imkanları da olacaq. Kartların tətbiqi Bakının nəqliyyat sistemində aparılan yenidənqurmanın son mərhələsi olacaq. Nəqliyyatın intellektual idarəetmə sistemi işə düşüb adaptasiya olunandan sonra növbəti mərhələ ödəniş kartlarının tətbiqi olacaq.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə